已經有11版共二百幾段回應,我覺得我地呢一班真係好熱心!!好熱血!!
除咗一班好好嘅導師之外,其實個個同學都令我非常深刻!
每個人都有獨當一面嘅才能,好值得我去學習學習...例如冷靜嘅頭腦同準確嘅分析、積極行動嘅態度、強健嘅體魄、對逆境嘅寬容,又有d同學會為公家帶備裝備、為大家做聯絡等...有時真係覺得自己無咩用... :(
一級班同二級班嘅最大分別,除咗學嘅內容深入咗好多外,就係有"過夜"機會!一班人經過幾個晚上,有甜酸苦辣,有日曬雨淋(最貼切),有出生入死(好似誇張咗),點都有d經歷、回憶...記得第一晚,落大雨瞓覺,成晚瞓吓醒吓,又要"不"水,面對營內滴水,積水,慘過住木屋 :( ,但大家又記唔記得,當晚嘅晚餐,係咁多晚中最豐富嘅呢?
到第二個outing晚上,要做野外露宿者,真係真真正正同大自然融為一體...包括所有蚊蟲...但得到嘅,除咗一次寶貴嘅經驗之外,就係第二朝美麗嘅日出...
第三個outing晚上又點呢?起完營,剛剛食完最後一口飯,仲諗住抖一抖...點知...b~~~~~"吹雞"!!!吓!未抺咀喎!!跟住點?大家都知啦...緊急撤退嘛!!不過目的地係自己屋企,哈哈!!
第四個outing,仲正!但內容牽涉WA嘅商業秘密,我都係唔講咁多,費事d師弟師妹少樣嘢玩啦!!但我地就...哈哈...心照啦!!正!!
出發前,大部分嘅同學都係唔相識,但到咗今日,一班有共同經歷嘅人有共同嘅興趣,真係好美滿呀...大家都急不及待,好想即刻行吓山,去吓fun camp,一方面可以試煉吓d技術,另一方面又可以享用吓自己嘅裝備...哈哈,我都有呢個期望呢!!!
![哈哈哈... 笑死 :lol](./images/smilies/lol.gif)
:
同大家一樣,我都有諗過,升班上三級課程,但我體能真係好唔掂,就算出發體力有7分,但行二個鐘就剩番2...再行一個鐘就得番0...然後就負了...
但最慘都係有落斜恐懼症...成日好驚會碌落山...
希望可以用呢幾個月嘅時間,克服到呢d問題,到時可以再用學員身分,同大家在山上再戰各種逆境啦!!!
如果驚落斜既,可以試下將重心放低D,甚至微微紮個四平馬落斜 (呵呵呵, 個動作好難形容),咁會容易平衡D,但係四頭肌既負荷會好大,再加上背包既重量,波羅蓋會好易傷,所以要小心D和多D小休, 記得拉筋
分享多些少先,因為我都未正式介紹過自己,今次係我在WA第一次做義工。自初中時開始跟一位幾唔錯既教練學關於原始求生和行山既技術,在高中時開始做左5年半 類似WA義工既導師工作,帶過七百幾次one day trip (呢份工由98年做到2004年6月左右, 想知我之前做乜既私下問我啦),今次久休復出其實都幾感動,據過去經驗,係好難遇到雙方都有咁深交流性既隊伍,有得著既唔只係學員,導師都好感動架,因為呢種情況係可遇不可求的。
以前我做導師帶隊以興趣為主,果時因為收人工,所以好大壓力,基本上係不容有失,亦要擺出一副 “導師款”,方便做野,所以想以短時間內同客人熟落D都幾難。而家黎做義工,真係開心好多,起碼容易識到朋友,又唔駛夾硬擺個硬崩崩既款出黎。
可能4年幾冇做過導師、心態上有改變 (比較舊時係小講野左,處事方式又變得自我)、對山藝技術未完全掌握、工作太忙,所以大家見我出現既日子我都遲到,狀態好差恰眼訓,同埋成日出現蝦碌既情況,但對我黎講今次都係一個好好既回憶機會,可以令我回想起十年前初入行做導師時既搞笑狀況。我諗warm up一下,對之後既WA義工服務會更加順利和投入。
開心咁投入大自然,不斷體驗和經歷不同的人和事,這些過程是用錢係買不到的,經過以前收錢做導師和WA既義工經驗後,我覺得放棄一兩日既賺錢機會,都會黎WA免費做野,又或者JOIN多點不同的野外活動,對於我黎講過程已經係一種用錢買不到的得著。