野外歷奇 WA Club

這裡有著形形式式不同的討論題目,歡迎各會友談天說地!
現在的時間是 週二 7月 17, 2018 11:32 am

所有顯示的時間為 UTC + 8 小時




發表新文章 回覆主題  [ 116 篇文章 ]  前往頁數 上一頁  12345  下一頁
發表人 內容
 文章主題 :
文章發表於 : 週六 4月 02, 2005 12:12 am 
離線
新仔級
新仔級

註冊時間: 週日 11月 30, 2003 1:17 pm
文章: 5
來自: 新丁一個
阿龍~~~你~~~上次食jor我拳頭~~搞到d牙齒印留jor係我手上好耐…
我都仲未報仇~~每次想反抗就緊係不敵咁"穩重"o既你la~!
依然記得你講過
"我明白你感受!"
"你地距離飛鵝山仲有好遠!"
"你地一星期要用八、九日練繩"
我…好耐未流過眼流…但係我有為你而流過眼流…
我相信你帶過好多"歡樂"…帶過好多"艱辛"俾你每一位學生
想講o既其實仲有好多好多………
永遠唔會忘記咁"穩重"o既你~!

_________________
『彩虹是圓形的,一半在地上,一半在天上』

『弱者困於環境;智者利用環境』


回頂端
 個人資料  
 
 文章主題 :
文章發表於 : 週六 4月 02, 2005 12:58 am 
亞龍,

應該真正對你又愛又恨的是我這一個老鬼, 雖然我只是wa老鬼中的一個, 話比自己聽唔會再踏進這個網頁的我, 最後都因為你而回來, 叫我認識wa的是你, 叫我不可再留下的都是你, 但點解你用這樣的一個方法叫我回來, 我恨透你的不辭而別.

2000年的仲夏, 我同莎莉開始認識你, 當年你說當我們是客仔, 要好好服務, 要好多好多要求, 當年因為你一句客仔的說話, 令我地好唔開心, 因為當時我們已經認定你是我的師傅, 我同莎莉決意要成為你的義工, 做一個出色的山藝教練, 我地2個有今日都是因為你, 今日的茶包是你教育我的上山的路, 我是因為你而決定成長一個出色教練, 我不斷的努力是追求你我是一個理想, 你教識我教學的重要, 教識我對山的態度, 教識我要有夢想…..我還有很多想你教我…你為何這麼快走…..
圖檔
之後的2年, 你我和莎莉及其他兄弟姐妹, anna, moon, teddy, tommy好像一家人, 你每星期去我家飲湯, 你我工聯開班你會送我回家, 3個男人睡在基地一張床上, abt不睡不休3日2夜, 你對朋友的關懷及鼓勵我一世都學不了, 雖然一家人的時間不多, 只有2年已經叫我一世記憶….

圖檔
我相信你好清楚我離開wa的理由, 雖然離開, 我沒有忘記, 我在外面的世界會繼續你山上的精神, 我的目標----“我一世人只有一個夢, 想我身邊的每一個小朋友都學會成長, 體驗一下大自然的力量, 大自然對我來說是一個夢工場, 一個令人有開心有痛苦的回憶, 我想每個我身邊的朋友都會體驗它, 幾年來, 我不停叫自己放下一切其他, 努力帶比身邊的人一份歷奇, 我只想有一天有班人會為其他的人再努力, 一個人喚起3個人, 3個人可以喚起9個人” 你已經做到了, 師傅, 你喚醒了一班wa的兄弟, 你的精神永在….
圖檔
人唔會是完美的, 你我雖然道不同, 希望你教導過的人,會永記心中 ; 希望曾經被你傷過的人, 會用時間沖淡一切, 在上天得到安寧…..

茶包


回頂端
  
 
 文章主題 :
文章發表於 : 週六 4月 02, 2005 1:01 am 
圖檔


回頂端
  
 
 文章主題 :
文章發表於 : 週六 4月 02, 2005 10:23 am 
離線
吊手岩級
吊手岩級

註冊時間: 週一 5月 27, 2002 3:09 pm
文章: 695
來自: 全部係野外歷奇學o既
有無人知龍哥鍾意乜野花.......除左如花.........

我明天想帶D花去 263....... :(

_________________
懷念龍哥


回頂端
 個人資料  
 
 文章主題 :
文章發表於 : 週六 4月 02, 2005 9:41 pm 
看完你們既留言,覺得失去這樣的一個人,感到好遺憾同傷感! :ha? :cry:


回頂端
  
 
 文章主題 :
文章發表於 : 週六 4月 02, 2005 10:30 pm 
離線
大帽級
大帽級

註冊時間: 週四 5月 23, 2002 3:17 pm
文章: 2069
來自: 學習中
oldcake 寫:
有無人知龍哥鍾意乜野花.......除左如花.........
我明天想帶D花去 263....... :(

我不知道呀.........我想一束小白菊花......... 也很好。

_________________
『人 生 不 在 乎 得 到 甚 麼 , 只 在 乎 做 過 甚 麼 。』

:+:生存的人 活著的人
他們一起追求夢想
為的是超越傷痛的目標

走了的人 老了的人
他們心中仍充滿著那獨一的熱情:+:


回頂端
 個人資料  
 
 文章主題 :
文章發表於 : 週六 4月 02, 2005 10:31 pm 
離線
吊手岩級
吊手岩級

註冊時間: 週一 5月 27, 2002 3:09 pm
文章: 695
來自: 全部係野外歷奇學o既
anna 寫:
oldcake 寫:
有無人知龍哥鍾意乜野花.......除左如花.........
我明天想帶D花去 263....... :(

我不知道呀.........我想一束小白菊花......... 也很好。


Thanks~~ Anna

我明早入西貢買丫........... :cry:

_________________
懷念龍哥


回頂端
 個人資料  
 
 文章主題 :
文章發表於 : 週一 4月 04, 2005 1:06 am 
離線
牛湖墩級
牛湖墩級

註冊時間: 週三 5月 29, 2002 11:05 pm
文章: 337
波哥寫的....龍兄鼠弟

我們永遠想念的師傅:

99年第一次跟你學習一級山藝,你給我印象是大男孩一個,隨山走很有朝氣,完成課程後分享時,你還叫我借三支煙記念三位已故的朋友.

第二次跟你夜攀飛鵝山,Tommy, Moon及Lam Sir,由晚上至早上六點,當時我還問你 "阿龍,你眼唔眼訓架?",你話:"波哥,我夜晚都唔訓覺既!"

第三次同你一起去大東山進行山藝訓練,你帶的裝備重量十足,使我十分敬佩.

祝你安息.

波哥上


回頂端
 個人資料  
 
 文章主題 : 多謝你!
文章發表於 : 週一 4月 04, 2005 3:18 pm 
離線
活躍級
活躍級

註冊時間: 週四 6月 20, 2002 6:54 pm
文章: 101
來自: 浪流人
龍︰

記得第一次認識你是在2002年.....

我會記得你對教學的認真、執著,記得每次你的似是而非的引導,但又給我很多的新領會,讓我不知不覺間提升。

每次到西貢帶camp時,你突如其來的出現,都帶給我們冰凍的汽水飲品。這是其次,最重要的是你的一句︰「有咩需要幫手,即時俾電話我。」這是給我無限量的支持同鼓勵。感覺好像有很強的支援隊在協助我帶camp一樣。因我有一位值得我信賴的師傅在西貢高塘下洋!

記得去年年尾,你還問我會否完成埋山藝教練,因我要準備結婚未能參與,你還說「邊個批准你結婚呀,我都未應承,考埋個教練先呀!」你對我在山藝的關注,真的多謝你。我還說如你有任何需要幫忙記住找我幫手,你仲話一定會!誰知......這是最後的對話。

雖然我唔明白你為何選擇這條路,但我真的多謝你.....

多謝你在山藝知識上的啟蒙。
多謝你在山中的支持及鼓勵。
多謝你在相識日子中給我的歡笑及回憶。

多謝你,永遠尊敬的小龍同學,安息吧!

Kelvin Wong上

_________________
足球小將流浪人


回頂端
 個人資料  
 
 文章主題 :
文章發表於 : 週一 4月 04, 2005 3:37 pm 
離線
吊手岩級
吊手岩級

註冊時間: 週一 5月 27, 2002 3:09 pm
文章: 695
來自: 全部係野外歷奇學o既
和太太、兒子講開龍哥離開左.......地提番佢地最後一次見到龍哥.......己一年多前了........

那次我一家大細去灣仔 camp.....車泊在黃石.....第二天走時取車.......發覺架車開不到.......苦無對策........唯有 call 龍哥.........問佢是否在西貢.....可否過來幫手

佢話訓緊覺..........我話你訓醒來丫..........佢話等一分鐘得唔得......... :wa

頂........佢真係好快出現...........仲幫我搭番著架車........叫我小心D返屋企........番到屋企要 call 佢報平安.............. :)

唉........................... :(

_________________
懷念龍哥


回頂端
 個人資料  
 
 文章主題 :
文章發表於 : 週一 4月 04, 2005 5:14 pm 
離線
Site Admin

註冊時間: 週四 6月 20, 2002 1:02 pm
文章: 158
來自: 輕輕的我走了, 正如我輕輕的來…
From info@wa.com.hk

聽到亞龍的噩訊,令我感到非常突然,難以接受.在短短兩個月內,攀山界又失去一位愛山之人,歷奇界多了一位導師離世.叫人哀傷. 

我與亞龍相識十多年,最初是在外展訓練學校,當時他是一位三級山藝領袖學員而我是二級山藝領袖學員(不錯,當年山藝課程山藝是三級,山藝領袖亦是三級,山藝教練也是另外三級),當日他給我的印象非常深刻,因為他一下的士就背一個60公升背囊,背囊上再加另一個60公升背囊,我當時慨嘆:體力驚人,在課程內他是最令人感到謙遜的師兄.

後來在歷奇輔導學會成立前工作小組再相逢,事隔多年,雖然彼此很少合作的緣份,但因帶山藝課程關係,常在山頭相見,大家常有互相問好(他不像一些教練,氣焰甚高,視同行如敵國),也曾介紹協助我工作的導師到野外歷奇上亞龍的課程.

中國香港挑戰網陣協會成立並協調教練時,亞龍亦加入,前一年,曾與我商量有關訓練事宜,雖未成事,給我的感覺是他很為野外歷奇的會員著想.

如今,他不知甚麼原因走了,請代我向他的家人,野外歷奇全體仝人致以深切慰問,請你們折哀順變.

我亦代表中國香港挑戰網陣協會對其教練何秀根先生的家屬及其屬會野外歷奇全體仝人致以慰問

中國香港挑戰網陣協會
訓練及技術主委
梁輝權

_________________
山上見 :D / 幼兒班Jackie仔


回頂端
 個人資料  
 
 文章主題 :
文章發表於 : 週二 4月 05, 2005 12:50 am 
離線
活躍級
活躍級

註冊時間: 週六 4月 02, 2005 12:03 am
文章: 133
來自: 成瘋寒清蓮會
記得第一次見師父係大約半年前,o係上上下堂之際,有個『巨影』開門走入課室,o個個就係阿龍。

龍師父教我o地好多山藝知識,而且仲好風趣幽默,最令我深刻既係上個月,阿龍自從整o左耳環之後就不斷問人佢有咩唔同,仲不斷問我o地佢型唔型仔添(o個陣佢每問一次我o地都扮嘔一次-.-),有一堂佢如常咁問我o地佢型唔型,我問佢點解又係戴同一隻耳環,佢好似冇轉過款咁,佢話佢冇咩耳環,跟住就走去我隔離,揭起我頭髮,o係我耳仔度拎o左隻耳環落黎戴o係自己度。跟住之前見到佢都係戴o個隻耳環,仲笑話我同佢係情侶裝添(因為我有戴另外一隻)~

可惜,這些已成過去。
以後再也看不到他的胖臉在眼前走過........
再也聽不到他用那「感性」聲音教書
再也感受不到每次因緊張而你給我鼓勵的雙手所帶出的溫暖
但有一點是肯定的
不論生前死後,師父還是教導了不少東西給我
生前他令我明白山藝知識
死後,他令我明白生命很渺少
所以要更加珍惜生命
還要在有可能的情況下,把這訊息傳給其他人
做到「以生命影響生命」的理念

可能呢一生我將會繼續我既山藝生活
可能我會遇到另一位教我山藝知識的師父
可能我也會在他教導下變得更出色
但有樣野係肯定既
呀龍,你係我遇到既師父中,最好既一位!

這既是你的決定
請你安心的去吧,
快樂的去尋找你喜歡的國度
繼續快快樂樂地生活下去吧!

_________________
圖檔未蒲頭的隱形人~...
在山中被遺棄的可憐貓貓


回頂端
 個人資料  
 
 文章主題 :
文章發表於 : 週三 4月 06, 2005 8:50 pm 
離線
牛湖墩級
牛湖墩級

註冊時間: 週四 6月 06, 2002 3:22 pm
文章: 365
來自: 三級山藝
本來我打算唔出聲
但最後也來了…

龍…

第一次識你係雙鹿…
對當年山藝不叻的我的教導…
你係我山藝的師傅…
每次到西貢帶camp忘了物資就打俾你…
與你及眾兄弟一同在黃龍的經歷…
每個星期在城大西貢的見面…

事發前一兩星期還在旺角見過你和你的招牌笑容…
一路相信你係一個玩得、開朗的人…
得悉時…
的確有一點難以相信…

縱我已不是大家的一份子…
但對你的尊敬是不變的…
尊重你選擇的路…

願你放下一切的時候…
你真的可以得到安寧…

_________________
Tim

人總為自己的愚蠢而付出代價
但在愚蠢過後我們又有甚麼呢


回頂端
 個人資料  
 
 文章主題 :
文章發表於 : 週四 4月 07, 2005 1:55 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自 "rootie" 的留言


阿龍是我於協青社的舊同事,我就是那個2001年報了名上三級山藝,但祗上了一課由赤徑直上大蚊頂,到了2003年才交$1500的人。2003年6 月,我在西貢遇到他,亦是最後一次見他。他說隨時可以補上未上的堂及取回那件CAS EU橙色風褸。不如件風褸你keep住,你不要走教埋我未上的堂ok?

_________________
生活就像洋蔥,一片一片地剝開,總有一片會讓我們流淚。


最後由 serena 於 週四 4月 07, 2005 2:08 am 編輯,總共編輯了 2 次。

回頂端
 個人資料  
 
 文章主題 :
文章發表於 : 週四 4月 07, 2005 1:57 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自"路人"的留言


懷念你咬人時的歡笑
懷你你溶洽的教學氣氛
懷念你令人忘懷的鼻寒聲
懷念你的豐富山藝經驗

不論過住與你有快樂有不快樂的情境,一切都己成過去
一日為師,終生為師

祝在遠方的師叔和你 愉快

_________________
生活就像洋蔥,一片一片地剝開,總有一片會讓我們流淚。


最後由 serena 於 週四 4月 07, 2005 2:08 am 編輯,總共編輯了 1 次。

回頂端
 個人資料  
 
 文章主題 :
文章發表於 : 週四 4月 07, 2005 1:59 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自 "ROY" 的留言


雖然唔知你點解要咁決定 但我相信你一定有你的理由!

仲記得向我year2 出事之後 你約了我出去綠林食糖水
你同我講:
" 你未必係一個好既社工,但你絕對係一個好既CD佬,因為你認為對的事就會堅持到低,這是你的最大優點;轉去CSM是你重生的開始,不要白費KK的心血”

因為你呢番話 我可以重新企番起身...
我一直當你係我偶像 一個雄才偉略的奇人
在封開林木辦旅館那一晚 可以同你煮"麵"論英雄 是人生一大快事...
你的說話 你的氣慨 你的觀點 一直給我很大的啟發與動力
現在雖然你放棄一切離開我們 但我相信 無論你在什麼地方
一樣可以創出屬於你自己的王國!

_________________
生活就像洋蔥,一片一片地剝開,總有一片會讓我們流淚。


最後由 serena 於 週四 4月 07, 2005 2:07 am 編輯,總共編輯了 1 次。

回頂端
 個人資料  
 
 文章主題 :
文章發表於 : 週四 4月 07, 2005 2:01 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自"子豪"的留言


我記得我上二級班既時候, 你講過一個cases............

如果有一日我地係山度,你帶住一班靚仔,遇到山火同發現有人被困你地會點handle, 當時我地梗係話緊急撤退同立刻報警啦, 但當時你話除左做呢二樣野之外,我地仲要係救人, 盡管係一命換一命, 因為你相信如果我地走左之後, 你依世都會唔安落......

當時我聽到之後, 我發覺我好尊敬你, 因為你對每一份生命的尊重, 係我之前未有遇到過, 因為你真真正正地做到以生命影響生命, 係果一刻你真係影響左我, 你對我地的嚴格係你想我係係山上遇到意外除左自救, 仲可以救人, 所以你要我地做任何事都要好認真,無論指南針導航, 做case, 繩結等等......

_________________
生活就像洋蔥,一片一片地剝開,總有一片會讓我們流淚。


最後由 serena 於 週四 4月 07, 2005 2:07 am 編輯,總共編輯了 1 次。

回頂端
 個人資料  
 
 文章主題 :
文章發表於 : 週四 4月 07, 2005 2:05 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自 "moon" 的留言


小師弟

你說喜歡我這麼稱呼你.
小師弟,這幾天好想找你,好想與你傾訴,好想聽你的心事,好想為你分憂…..
你說你喜歡與我傾訴,你會感到舒服。
仲然你說的好多話我都不認同,仲然我會駁你咀,仲然你的睥氣不好,仲然你有時固執,仲然你常收起自己,在別人面前表現開懷而內裡寂寞。但是我仍然好關心你,好愛鍚你,好尊敬你,好感激你……..
龍,我好嬲你,為甚麼你不聽我的說話?為甚為你不面對你的困難而選擇離開?為甚麼志偉才是你的真正朋友而我不是?
我好嬲自己,為什麼我不是一個好有說服力的人?那麼我便可以說服你讓你留下。為甚麼我總是表現堅強而不讓你作我的雨傘?因為你會為受傷的moon打傘,擋風雨,那麼你便會留下。為甚麼我不再盡力一點?

龍,謝謝你,你總是將最好的東西都給我。因為你,當年失落卑的moon站起來;因為你,失戀的moon每天聽到笑話而漸漸懂得笑。因為你,我感到被重視、被關心。
謝謝你在你生命最後的一段日子讓我陪伴你,分擔你的憂鬱。我樂意做那雙靜心的耳朵,我樂意說出建議,只要你也原意在夢中向我傾訴。

你說我是你直得交的朋友,我會說我很高興聽到你這句話,我也想跟你說你是我最好的朋友。記得數年前說一起到博格達,可惜未能成行,我說過我會到博格達探你與志偉,我一定會。

想念你的moon

_________________
生活就像洋蔥,一片一片地剝開,總有一片會讓我們流淚。


最後由 serena 於 週四 4月 07, 2005 2:07 am 編輯,總共編輯了 1 次。

回頂端
 個人資料  
 
 文章主題 :
文章發表於 : 週四 4月 07, 2005 2:07 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自 "LEE WING MING" 的留言



近日,每當我一入WA個SITE時; 看每一段有關你的事,都不禁會... ... ...

:bigcry

全因為你
我EQ係唔係特別低? 不, 因為你...
原來你係好有影響力... 令我一次又一次... ...
我忍唔到啦... 好自然流出...
為何係熱淚... 唔係天氣凍...
而係從眼眶...
排出... 我對你的思念...
為你所流的熱淚... 不值錢...
你曾為我地所流的係熱血...
你對WA的心血...
你為歷奇介培養的新血...

你肯接MR玩歷奇, 給他們有認識歷奇的機會
有機會踏出多一步, 間接肯定我自己的睇法
親身帶領他們玩"游繩下降"&"生命線"...
MR都可以玩... 你不存歧視, 仲係承擔...

相信你的能力, 相信你的器材, 相信你所學到的, 相信你肯定我的能力

感謝你給我機會去認識"真正歷奇"
係有一定程度的歷險 有危先有機

你能行出幾多 - 我陪你行
你要學幾多; 睇你想係我身上學到幾多
哩個課程係無固定的範圍,學到你你自己

野外歷奇係會將你的精神...
薪火相傳... 傳開去...
認識真正歷奇

以前你叫我上多d去
要好貴先有此網路
我都不為意
我開始習慣漫遊WA club
太遲了嘛
現在才知道你想我地自發咁
互相交流... 互相學習... 互相鼓勵...
有一個屬於大家暢所欲言的空間...
到今時今日真的看到此功能...
辛苦大家了...
我相信大家都好願意一直支持WA

_________________
生活就像洋蔥,一片一片地剝開,總有一片會讓我們流淚。


回頂端
 個人資料  
 
 文章主題 :
文章發表於 : 週四 4月 07, 2005 2:09 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自 "路人" 的留言



雖然從未與阿龍見面,從與他諗熟的人口中亦略知一些有關他的事。他這突然離開的行動卻叫人心痛。慨嘆人生太短暫 :( 要好好把握每一分每一秒。我深信對他來說離開是一個解脫。但對他的家人及朋友來說卻不是。

請各位多多關心他的家人及好好把阿龍留下的WA發揚光大吧 :!:

_________________
生活就像洋蔥,一片一片地剝開,總有一片會讓我們流淚。


回頂端
 個人資料  
 
 文章主題 :
文章發表於 : 週四 4月 07, 2005 2:11 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自 "Kelvin Chan" 的留言


點解?點解?點解?由你出事到現在,惱裡不斷浮現的問題。我所認識的你不應是這樣的,小龍同學冇可能會選擇這方式來離開我們。但冇可能的事終歸也發生了,縱使唔認同你的做法但也會尊重你的决定。

認識你可算是緣份的安排,我的一級山藝是你以岳峰名義教我的,當時還未有WA的存在,之後事隔5年後的2002年我再報讀二級山藝時,我只是從網上隨意選擇,估不到會與你於WA相認。註定我飛唔出你嘅魔爪下 :mrgreen: 雖然與你相處的曰子只不過短短兩年多,但你不單只教曉我各種山藝技術,我還從你身上體會到生命如何影響生命,你對朋友嘅熱誠、無私、關懷..........
與你相處的一點一滴,我永遠都唔會忘記。你係我心目中,就像一個山中巨人,永遠屹立不倒。往後日子,我會將你的信念和精神繼續伸延下去。最後希望你能夠去到你心目中的天堂。別了、我最敬仰的小龍師父。

_________________
生活就像洋蔥,一片一片地剝開,總有一片會讓我們流淚。


回頂端
 個人資料  
 
 文章主題 :
文章發表於 : 週四 4月 07, 2005 2:14 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自 "史東" 的留言


年幾無見你喇....... 早幾日心血來朝上野外歷奇的網頁,諗住報你的COURSE......... 結果都係得個諗字....... 無搵到你........

記得2001 年8月我地初次認識你,第一次見你我地就叫你大佬,因為0個時我地覺得你好叻....... 直至封開之旅,我已經同你好熟,你同我0係同一間屋住,令我最印象心刻的是你在我們討論籌錢去救一個肝病的細路女時,有同學說他們可能不是真的,你就說了一句,如果佢真係扼我地,就比佢扼啦......... 如果比佢扼就可以換回一條生命就比佢扼啦。 (大意就係咁啦.......... 如果記錯就請你唔好介意) 我聽了非常感動,欣賞你對生命的重視!! 你這句話深深的影響了我.........

你做了這樣的決定,一定有你的原因,無論如何我都尊重你的決定.......... 永別了......... 大佬............

_________________
生活就像洋蔥,一片一片地剝開,總有一片會讓我們流淚。


回頂端
 個人資料  
 
 文章主題 :
文章發表於 : 週四 4月 07, 2005 2:15 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自 "錦" 的留言


大佬
大佬,不知你為有何這斷然的決定… 說真的很難很難去接受一位歷奇界之巨人突然倒下…和史東一樣,都覺得你這位大佬真的很勁!欣賞你那幽默!什麼”what are u talking seven " 真的是你的金句!!欣賞你那求學心切…欣賞你對弱勢社群的關注、還有你為朋友那種義不容辭(還記得你知道我地唔見左野,你即刻連忘唔上堂離開課室去搵!!)欣賞你的急才及好玩的一面(北京交流團係恭親王府(con親王府)俾我地夾埋一齊con你)欣賞你大情大聖的態度(還記得你唱beyond既歌時唱破喉嚨既片段)……明白你好想去雪山,還記得北京交流團自由時間同你一齊去搵當地攀山當局之一幕幕片段…………最後看到你那永遠add 唔到既受傷小龍info(那……灰飛煙滅…看後真的很不舒服)。
希望你在遠遠的長空,遠遠的雪山上,找到自己的生活。…………
大佬…大佬…祝你愉快!永別了……

城巿桑拿浴室(這名是你常打電話時玩我們的稱號)的錦



大佬,
大佬,一個重情義、一個愛搗蛋的大佬,一個深藏不露的大佬。著實,到現在也很難接受你既離去。
每每聽到beyond既歌都想起你
回想起與你一起影既相也念著起你
坐著和你一樣極速既飛車忘不了你
看到tera 既涼鞋也忘不了你
回想起你既口頭禪也忘不了…
大佬,希望在遙遠的paradise,和你的朋友一起走進另外一個樂土,你曾經滿載了希望,你我會有天衝開黑暗, 誰知 再次的失望 ,看這裡已經走到盡頭 。
望著你走遠 我並沒有心酸 唯望天邊一方 他朝可重逢!
OH PARA PARADISE
只想跟你一起 一起走向這一天

OH PARA PARADISE
風中希冀一點 今天一再想起你

寧可 永遠的等待
也怕背棄當初的一切
如今 你遠走彼岸
告訴我那邊天色好嗎

OH PARA PARADISE
只想跟你一起 一起走向這一天

OH PARA PARADISE
風中希冀一點 今天一再想起你

_________________
生活就像洋蔥,一片一片地剝開,總有一片會讓我們流淚。


最後由 serena 於 週四 4月 07, 2005 2:41 am 編輯,總共編輯了 2 次。

回頂端
 個人資料  
 
 文章主題 :
文章發表於 : 週四 4月 07, 2005 2:16 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自 "fly" 的留言


龍哥,雖然我們相識只有四天之緣,但你在我記憶中已是抹不去的烙印。。。。
驚聞你逝世的消息,我悲痛萬分。。。。。

想你的平易近人。。。。。
想你的浪漫。。。。。。。
想你的微笑。。。。。。
想你的哼哼鼻聲。。。。。。。
想你的。。。。。。

願你在另外的一個世界也開心快樂!!!
願你在天保佑你的家人和朋友身體健康,天天開心。。。。。。

_________________
生活就像洋蔥,一片一片地剝開,總有一片會讓我們流淚。


最後由 serena 於 週四 4月 07, 2005 2:17 am 編輯,總共編輯了 1 次。

回頂端
 個人資料  
 
 文章主題 :
文章發表於 : 週四 4月 07, 2005 2:17 am 
離線
Site Admin

註冊時間: 週六 5月 25, 2002 3:12 am
文章: 4938
來自: 山藝初哥, 迷路專才
來自 "ar mong" 的留言


這幾天才努力去想你與我之間的一切,
想起你曾有一個理想就是自家開一間做社會服務的小機構,,
重要係關社既,自己做CD,
你重叫我一齊加入你既行列..
當時我啱啱搵到野做,
覺得自己無錢,又好多野未有基礎,
唔似你一樣咁瀟灑,
所以大家只係空談,
reject左你,但係都好想你做得到!

響封開,我同其他同學一樣對你一件事好深刻,
多謝你...
在別人需要幫助一刻,
教我學識不要懷疑別人的誠信,
只要一心相信如果這是真的話,
我們要做些什麼!
這個才是真正的社工典範...
你做到了..

還有,你教我學識如何用廢柴生火...^^
果兩日wild camp,見到你對住我地,
就見到你平日係點對學員,
你的熱情同理想令我好深印象!

"I (inclusion)"計劃,你俾我地認識你.
你係有九成時間好似好唔認真咁..
但係你就係好專心咁俾哂所有熱情落去既一成..

但係我有一樣野,
我唔記得左你響我yr 2 community fieldwork 時教訓過我既一句說話..
sorry..
不過,我係記得你教過我對人同對事既態度!
我日後會做好d架啦!!

其實我都有響你身上有一個期望,
就係跟你一齊學行山,拎一張cert,
hahah,,好貪心呀..
但係...
當我行山既時候,
相信我會記得有一個朋友叫阿kent,
雖然你已經離開左...
但係你係唔會孤獨架..

再見了..
送給在遙遠的paradise既阿kent

_________________
生活就像洋蔥,一片一片地剝開,總有一片會讓我們流淚。


回頂端
 個人資料  
 
顯示文章 :  排序  
發表新文章 回覆主題  [ 116 篇文章 ]  前往頁數 上一頁  12345  下一頁

所有顯示的時間為 UTC + 8 小時


誰在線上

正在瀏覽這個版面的使用者:沒有註冊會員 和 1 位訪客


不能 在這個版面發表主題
不能 在這個版面回覆主題
不能 在這個版面編輯您的文章
不能 在這個版面刪除您的文章
不能 在這個版面上傳附加檔案

搜尋:
前往 :  
cron
Powered by phpBB® Forum Software © phpBB Group
正體中文語系由 竹貓星球 維護製作